E. Sigurðsson ehf. meðal Framúrskarandi Fyrirtækja 2025

Viðurkenning fyrir traustan rekstur og vönduð vinnubrögð

E. Sigurðsson ehf. hefur hlotið viðurkenninguna Framúrskarandi Fyrirtæki 2025 frá Creditinfo. Viðurkenningin er veitt þeim fyrirtækjum sem uppfylla ströng skilyrði um fjárhagslegan styrk, stöðugleika og ábyrga rekstrarhætti.

Aðeins lítill hluti íslenskra fyrirtækja stenst þær kröfur sem gerðar eru til viðurkenningarinnar og er E. Sigurðsson ehf. því meðal þeirra fyrirtækja sem sýna fram á traustan rekstur og stöðugleika til lengri tíma.

Endurspeglar metnað og samheldni

Viðurkenningin endurspeglar þá áherslu sem lögð er á vönduð vinnubrögð, áreiðanleika og faglega framkvæmd í allri starfsemi fyrirtækisins.

„Það er mikill heiður fyrir okkur að hljóta þessa viðurkenningu. Hún endurspeglar þann metnað, samheldni og ábyrgð sem starfsfólk fyrirtækisins sýnir í sínum störfum á hverjum degi. Við munum áfram leggja áherslu á traustan rekstur, vandaða framkvæmd og góða þjónustu,“ segir Guðmundur Magnús Jóhannsson, framkvæmdastjóri E. Sigurðsson ehf.

Viðurkenningin er jafnframt mikilvæg hvatning til áframhaldandi uppbyggingar og staðfesting á því trausti sem fyrirtækið hefur byggt upp gagnvart viðskiptavinum, samstarfsaðilum og starfsfólki.